स्तरवृद्धि फाराम (Level Upgrade Form)

नेपाल स्वास्थ्य सेवामा कार्यरत रहेका कर्मचारीहरूले स्वास्थ्य सेवा ऐन, २०५३ को दफा ९ को उपदफा १ बमोजिमको सेवा अवधि पूरा गरेमा माथिल्लो तहमा स्तरवृद्धि हुनका लागि रीतपूर्वकको फाराम भरी आफू कार्यरत रहेको कार्यालयको प्रमुखको सिफारिस सहित अधिकृत कर्मचारीहरूले स्वास्थ्य तथा जनसङ्ख्या मन्त्रालयको सचिवसमक्ष र ४/५/६ तहका कर्मचारीले स्वास्थ्य सेवा विभागको महानिर्देशक समक्ष पेस गर्नुपर्दछ। स्तरवृद्धि फारामसाथ सूचनामा तोकिएका सम्पूर्ण कागजातहरू पेस गर्नुपर्दछ।शैक्षिक योग्यताका प्रमाणपत्र, काउन्सिल दर्ता/नवीकरण प्रमाणपत्र, सुरु र बढुवा नियुक्ति, हाजिरी भएको जानकारी, सरुवा पत्र, समायोजन पत्र, रमाना पत्र, नेपाली नागरिकताको प्रमाणपत्र, अद्यावधिक गरिएको नयाँ PIS फाराम, विभागीय कारबाहीमा परे नपरेको, अध्ययन बिदा, असाधाराण बिदा, गयलकट्टीमा परे नपरेको जानकारी र पछिल्लो २ आर्थिक वर्षको कार्यसम्पादन मूल्याङ्कन फाराम ।