सिटरोल फाराम (Sheetroll Form) : निजामती, सात वटै प्रदेश निजामती र शिक्षकको छुट्टाछुट्टै (कर्मचारीको वैयक्तिक विवरण फाराम)

सङ्घीय निजामती सेवा वा प्रदेश निजामती सेवा वा शिक्षक सेवाको स्थायी पदमा नियुक्ति भएको कर्मचारी/शिक्षकले आफ्नो सेवा सर्त सम्बन्धी कानुनले व्यवस्था गरे अनुसारको ढाँचामा वैयक्तिक विवरण फाराम (सिटरोल – Sheetroll) भरी तोकिएको किताबखानामा दर्ता गराउनुपर्छ। यहाँ निजामती सेवा नियमावली, विभिन्न प्रदेश निजामती सेवा नियमावलीहरू र शिक्षा नियमावलीमा व्यवस्था भएअनुसारका सिटरोल फारामहरूका PDF र Word फाइलहरू राखिएको छ।

फाराम भर्ने तरिका (निर्देशन)

सिटरोल फाराम राम्रोसँग पढेर बुझेर मात्र भर्नुपर्ने छ;
फाराम भर्दा नाम, सेवा, समूह, पद, कार्यालय आदिमा पूरा नाम (Full Form) लेख्नुपर्ने छ; सङ्क्षिप्त रुप प्रयोग गर्न पाइने छैन;
शैक्षिक योग्यताको प्रमाणपत्रहरू (लब्धाङ्कपत्र र चारित्रिक प्रमाणपत्र) एसएलसी/एसईईदेखि आफूले हासिल गरेको माथिल्लो शैक्षिक योग्यतासम्मको (नियुक्ति लिएको पदसँग सम्बन्धित विषय मात्र) राख्नु पर्नेछ;
समावेशी/आरक्षण कोटाबाट सिफारिस भई नियुक्ति भएकाले सम्बन्धित सिफारिसको प्रतिलिपि पेस गर्नुपर्ने छ;
इच्छाइएको व्यक्तिको विवरणमा उल्लिखित परिवारका सदस्यसँग कर्मचारीको नागरिकताको प्रमाणपत्रबाट नाता नखुलेमा नाता प्रमाणित वा विवाह दर्ता आवश्यक पर्ने छ;
प्रमाणित गर्ने अधिकारीमा कार्यालय प्रमुखले प्रमाणित गर्नुपर्ने छ;
कर्मचारीको फोटो कार्यालय प्रमुखले प्रमाणित गर्नुपर्ने छ;
सबै कागजातहरूको फोटोकपी कार्यालय प्रमुखबाट अनिवार्य प्रतिलिपि प्रमाणित गराएको हुनुपर्ने छ र कार्यालय प्रमुख तथा कार्यालयको छाप लगाइएको हुनुपर्ने छ;
सिटरोल फारामको पहिलो पाना (Cover Page) मा नाम बाहेक अन्य विवरण लेख्न हुदैँन (फाराम नम्बर १ दोस्रो पानामा पर्ने गरी प्रिन्ट गर्नुपर्ने छ);
संलग्न गर्नुपर्ने अन्य कागजातहरू सिटरोल फारामको पहिलो पाना (Cover Page) मा लेखिएको छ।